ڕۆژنامەگەريى بنچينەيى
24 - 28 July 2017


Location:
سليماني

Lecturer:
ئاڵا له‌تیف

Genre:
Radio & Television @ku

Language:
كردي

بۆ ئه‌وه‌ی ببی به‌ ڕۆژنامه‌نووسێکی باش، پێویسته‌ حه‌زی فێربوونت هه‌بێت و ئارەزوومەند بی بۆ هه‌واڵ و زانیاری. هه‌روه‌ها ڕۆژنامه‌نووس پێویسته‌ تایبه‌تمه‌ندی تری تێدا بیێت: تۆ پێویستت به‌ زانیاری و ته‌کنیك و ئه‌زموون هه‌یه‌ تاوه‌کوو بتوانی کاری ڕۆژنامه‌وانی به‌ گونجاوی به‌ ئه‌نجام بگه‌یه‌نی. هه‌ندی بنه‌مای سه‌ره‌کی ڕۆژنامه‌وانی هه‌ن که‌ تۆ به‌کاریان دێنی له‌ماوه‌ی ڕاپه‌ڕاندنی ئه‌رکه‌کانت.

له‌م خوله‌دا ئێمه‌ لێکۆڵینه‌وه‌ بۆ تایبه‌تمه‌ندییه‌کانی ڕۆژنامه‌نووسی باش ده‌که‌ین و فێری ئه‌وه‌ ده‌بین که‌ چۆن بره‌و به‌و تایبه‌تمه‌ندیانه‌ بده‌ین له‌ خۆماندا. دواتر ئێمه‌ سه‌یری هه‌واڵه‌کان ده‌که‌ین و چۆن بیدۆزینه‌وه‌ و بیگوازینه‌وه‌ بۆ خه‌ڵك له‌ ڕێگه‌ی ڕاپۆرت. ئێمه‌ باسی بنه‌ماکانی ڕووماڵکردنی هه‌واڵ ده‌که‌ین و باسی ئه‌وه‌ ده‌که‌ین که‌ چۆن جێبه‌جێیان بکه‌ین. دواتر به‌ کردار ئه‌نجامی ده‌ده‌ین و ڕاپۆرت دروست ده‌که‌ین له‌ ڕێگه‌ی توێژینه‌وه‌ و کۆکردنه‌وه‌ی زانیاری، تاوه‌کوو پێشاندانی ڕووداوه‌کان. بڕبڕه‌ی پشتی دروستکردنی ڕاپۆرت بریتی یه‌ له‌ ئه‌نجامدانی چاوپێکه‌وتن، هه‌ر له‌به‌ر ئه‌مه‌شه‌ که‌ بایه‌خێکی تایبه‌تی پێده‌درێت له‌م خوله‌دا. ئێمه‌ باسی شیوازه‌ جیاوازه‌کانی ئه‌نجامدانی چاوپێکه‌وتن و ڕێگا جیاوازه‌کانی پێشه‌که‌ش کردنی چاوپێکه‌وتنه‌کان ده‌که‌ین.

ڕاهێنه‌ره‌که‌ت:

ئاڵا له‌تیف یه‌کێکه‌ له‌ ڕۆژنامه‌نووسه‌ ئافره‌ته‌ سه‌رکه‌وتووه‌کانی شاری سلێمانی و بۆ ماوه‌ی حه‌وت ساڵه‌ کاری ڕۆژنامه‌نووسی ده‌کات و به‌رپرسی به‌شی کۆمه‌ڵایه‌تی ڕۆژنامه‌ی هاوڵاتییه‌. ئاڵا له‌تیف بروانامه‌ی مه‌سته‌ری له‌ بواری ڕۆژنامه‌وانی هه‌یه‌ و مامۆستایه‌ له‌ به‌شی ڕاگه‌یاندنی زانکۆی سلێمانی.

بۆ ناونووسین له‌م خوله‌، په‌یوه‌ندی به‌ ئه‌کادیمیای ڕاگه‌یاندن بکه‌ له‌ عێڕاق له‌ ڕێگه‌ی ژماره‌ ته‌له‌فۆنی 07504823082 یان له‌ ڕێگه‌ی ئیمه‌یلی: qassim@mict-international.org